வாக்குப் பெட்டிகளை ஏற்றிச் சென்ற பேருந்து விபத்து

காலி – சவுத்லேண்ட் பெண்கள் கல்லூரியிலிருந்து வாக்களிப்பு நிலையங்களுக்கு
வாக்குப் பெட்டிகளை ஏற்றிச் சென்ற பேருந்து ஒன்று வீதியில் சென்ற காருடன்
மோதி விபத்திற்குள்ளானது.

இன்று (13) காலை புஸ்ஸ – வெல்லமடை பகுதியில் இந்த விபத்து ஏற்பட்டுள்ளது.

எவ்வாறு இருப்பினும் இவ்விபத்தில் எவருக்கும் எவ்விதக் காயமும் ஏற்படவில்லை
எனத் தெரிவிக்கப்பட்டுள்ளது.

இந்நிலையில் பாதுகாப்புக் கடமையில் ஈடுபட்ட பொலிஸார் விபத்துக்குள்ளான
பேருந்திலிருந்த வாக்குப் பெட்டிகளை வேறு வாகனத்தில் கொண்டு செல்ல
ஏற்பாடு செய்துள்ளதாகத் தெரிவிக்கப்பட்டுள்ளது.