தெற்கு சைப்பிரஸில் உள்ள பிரிட்டிஷ் பிரதேசத்தில் உள்ள இங்கிலாந்து இராணுவத் தளத்தின் மீது நடத்தப்பட்ட ட்ரோன் தாக்குதல் குறித்து சைப்பிரஸ் ஜனாதிபதி நிகோஸ் கிறிஸ்டோடௌலிட்ஸ் கூடுதல் விவரங்களைப் பகிர்ந்துள்ளார்.
நள்ளிரவுக்குப் பிறகு, ‘ஷாஹெட் ஆளில்லா வான்வழி வாகனம்’ அக்ரோதிரியில்
உள்ள இங்கிலாந்து இராணுவ வசதிகள் மீது மோதியதில் ‘சிறிய பொருள் சேதம் ஏற்பட்டது’ என்று தெரிவிக்கப்பட்டுள்ளது.
சைப்பிரஸ் ‘எந்த இராணுவ நடவடிக்கையிலும் பங்கேற்க விரும்பவில்லை’ என்று அவர் மேலும் கூறியுள்ளார்.
மத்திய கிழக்கில் போர் சூழல் தீவிரமடைந்துள்ள நிலையில், அமெரிக்க ஜனாதிபதி டொனால்ட் ட்ரம்ப் தனது சமூக ஊடகப் பக்கத்தில் இரண்டு முக்கிய இராணுவத் தகவல்களைப் பகிர்ந்துள்ளார்.
ஈரான் மீதான தாக்குதல்களுக்கு பிரித்தானியா, தனது இராணுவத் தளங்களைப்
பயன்படுத்த அமெரிக்காவிற்கு அனுமதி வழங்கியதைத் தொடர்ந்து, சைப்பிரஸில் உள்ள பிரித்தானிய இராணுவத் தளம் மீது ஈரான் ட்ரோன் தாக்குதல்களை நடத்தியுள்ளதாக அவர் குறிப்பிட்டுள்ளார்.
தெற்கு லெபனானில் இருந்து இஸ்ரேலின் ஹைஃபா நகரை இலக்கு வைத்து ஹிஸ்புல்லா அமைப்பினர் சரமாரி ஏவுகணைத் தாக்குதல்களை முன்னெடுத்து வருவதாகவும் குறிப்பிட்டுள்ளார்.
